Реал Мадрид е заинтересиран за услугите на младата ѕвезда од Борусија Дортмунд, Џејдон Санчо, за кого има голем интерес во пресрет на летниот преоден рок.

Билд пишува дека Реал Мадрид го таргетирал 19 годишниот англиски офанзивец, а во него гледа одлична и пред се’ реална опција, откако извесно е дека Килијан Мбапе е речиси невозможна мисија за Кралевите.

Германскиот весник додава дека Борусија Дортмунд при евентуална продажба на својот фудбалер добро би заработила, откако веќе ја одредила цената за неговите услуги која изнесува фантастични 180 милиони евра.

Санчо се приклучи на Милионерите во летото 2017. година, пристигна од редовите на Манчестер Сити за само 9 милиони евра, од тогаш, па наваму, со своите одлични перформанси го привлече вниманието на повеќе европски гиганти, а подолг период се шпекулира дека би можел да се врати на Островот.