Лебеф вели дека е фан на Барселона, но воопшто не му се допаѓа Луис Суарез како играч поради валканата игра на Уругваецот и затоа му е мило што Ливерпул ќе игра во финалето.

„Фан сум на Барселона, но мило ми е што ги елиминираа во вторникот поради Луис Суарез. Немам почит за фудбалери како него“, изјави Лебеф.

„Тој е глумец и не ми се допаѓа тој начин на игра. Да можев да играв против него, би направил се што можам за да биде исклучен од игра“.

„Тоа што им го направи на Гана на Светското првенство, па два пати гризна противник. Тој е лош пример за младите луѓе“.