Категорија: Англија 12.05.2019 12:47
Денеска на програмата во Премиерлигата е последното коло по кое треба да биде познат новиот шампион на Англија (може да се случи и да има мајсторка, но за тоа е потребно чудо).
Ливерпул се надева на прва титула по 29 години, но за ваков успех „црвените“ покрај тоа што треба да го победат Вулверхемптон, треба да чекаат и услуга од Брајтон. Популарните „галеби“ го пречекуваат Манчестер Сити и треба да го сопрат актуелниот шампион, кој има 13 победи во низа во Премиерлигата.
Сепак, на Јирген
Клоп, неговите избраници и фановите нема да им се допаднат последните вести. Новинар
на ЕСПН открива дека фудбалерите на Брајтон малку повеќе се опуштиле оваа
недела, се забавувале и го славеле опстанокот во елитата.
„Имам пријател кој е фан на Брајтон и ме информираше дека неколку играче на Брајтон биле забележани три дена по ред како се забавуваат до доцна во ноќта“ – вели Ејдриан Хили.