Камерите на Раи синоќа го уловија Синиша Михајловиќ како тргна да се тепа со навивачите на Лацио откако доби расистички навреди, полицијата веднаш реагираше и го спречи Србинот во намерата.
Категорија: Италија 16.05.2019 11:24
Полицијата во Рим вчера имаше полни раце работа откако ултрас навивачите на Лацио дивееја низ улиците пред почетокот на финалето во Купот на Италија.
Тие дури требаше да интервенираат и да спречат тепачка помеѓу фанови на Лацио и тренерот на Болоња, Синиша Михајловиќ.
Србинот, кој е поранешен член на „бјанкочелестите“, беше на пат кон стадионот, кога навивач му дофрли „zingaro“ (расистичка навреда и термин кој на италијански значи циган).
Па Синиша Михајловиќ уште еднаш демонстрираше дека има краток фитиљ и без размислување тргна да се пресмета. Полицијата сепак брзо реагираше и не дозволи поголем инцидент.
Coppa Italia, finale #LazioAtalanta. #mihajlovic all'esterno dello stadio reagisce agli insulti pic.twitter.com/cO646IIx29
— Rainews (@RaiNews) May 15, 2019