Категорија: Италија 16.05.2019 15:02
24 годишниот Словак пристигна на Џуземе Меаца во 2017 и за кратко време се етаблираше како столб во одбраната на Интер. Со своите одлични настапи тој го привлече вниманието на голем број клубови како Реал Мадрид, Барселона, Манчестер Сити, Манчестер јунајтед и ПСЖ за кои се пишуваше дека нема да штедат пари во намерата да го донесат играчот во своите редови.
Сепак, Милан Шкринијар реши да остане верен на „нероаѕурите“ и постигна договор со Интер за продлжување на соработката до 2023. Интересно е тоа што дефанзивецот не користеше услуги на агент и сам си пронајде заеднички јазик со гигантот од Милано за продолжување на соработката.
„Заедно. Бидејќи заедно сме посилни. Милан Шкринијар и Интер имаат исти цели. Затоа Интер го продолжи договорот на дефанзивецот од Словачка до 30. јуни 2023“ – глаеше известувањето на клубот од Џузепе Меаца.
Детали не беа откриени, според пишувањата на медиумите, дефанзивецот во иднина ќе има плата од 3 милиони евра по сезона, која со бонуси може да се искачи до 3,5 милиони.