24фудбал

УЕФА испрати порака по одлуката Мхитарјан да не игра во финалето од Лига Европа и го впери прстот кон играчот и Арсенал

Европската куќа на фудбалот се огласи по веста дека Хенрих Мхитарјан нема да настапи на финалето од Лига Европа, вели дека одлуката ја донеле Арсенал и играчот и покрај тоа што им била гарантирана безбедноста.

Лига Европа

УЕФА веќе го навлече гневот на навивачите на Арсенал и Челси откако на двата гиганти од Лондон им додели само по 6.000 билети за финалето во Лига Европа и покрај тоа што стадионот во Баку има капацитет од речиси 70.000.

Европската куќа на фудбалот денеска одново се најде на удар откако „топчиите“ соопштија дека Хенрих Мхитарјан нема да патува во Азербејџан. Па навивачите жестоко распалија на социјалните мрежи и дури побараа Арсенал и Челси да го бојкотираат мечот.

Сепак, од УЕФА брзо се огласија и ја кажаа нивната страна на приказната. Тие велат дека обезбедиле гаранции за безбедноста на Хенрих Мхитарјан, но Арсенал и играчот сами одлучиле тој да не патува.

„Во блиска соработка со Арсенал, УЕФА побара и доби гаранции околку безбедноста на играчот во Азербејџан и тоа од највисоките институции во земјата. Како резултат на овие гаранции, беше изготвен детален безбедносен план и му беше доставен на клубот. И покрај тоа што Арсенал го призна напорот кој беше напревен од УЕФА и властите во Азербејџан, клубот и играчот на крајот одлучија тој да не патува и ние ја почитуваме нивната одлука“ – се вели во соопштението.