Категорија: Македонија 22.05.2019 21:25
Четири погодоци беа постигнати во регуларниот дел од финалната пресметка во Купот помеѓу Академија Пандев и Македонија Ѓорче Петров на националната арена „Тодор Проески“ во Скопје, во првото полувреме резултатот гласеше 1-1, а по 90 минути игра 2-2.
Најнапред Пандев во 10. минута донесе почетно водство за Академија Пандев, но, Македонија Ѓорче Петров преку Да Силва во 21. минута израмни на 1-1, обата погодоци беа преубави и ставија зачин на финалната пресметка.
Во второто полувреме вистинска драма се одвиваше во завршницата откако Тантуровски донесе пресврт за Македонија Ѓорче Петров и водство од 2-1 во 84. минута, за веќе во следната акција Академија Пандев преку Дориев од пенал да израмни на 2-2.
Откако мечот во регуларните 90 минути игра заврши со резултат 2-2, се премина во две продолженија од по 15 минути, но и во тој период резултатот остана непроменет, при што се премина на удари од белата точка, серија во која подобри беа Академија Пандев со 4-2 за прва титула во Купот во историјата на тој клуб.
Фото-вест: 1tv.mk (prt sc)