Категорија: Франција 23.05.2019 22:10
Откако потпиша за „светците“ за рекордни 222 милиони евра, медиумите често пишуваа за тоа дека Нејмар има привилегии како што нема ниту еден друг фудбалер на ПСЖ.
Дека Нејмар е голема ѕвезда и може да прави што сака потврдуваат и денешните случувања во редовите на шампионот на Франција. ПСЖ го одработи последниот тренинг оваа сезона, а напаѓачот реши да не се појави и покрај тоа што не бил ослободен од страна на Томас Тухел .
Како што пренесуваат медиумите, тренерот на средбата со новинарите бил прилично лут поради ваквиот потег и само кратко порачал: „Дозола од мене не добил, можеби од некој друг“.
„Ла Паризиен“ подоцна пренесе дека Нејмар летнал за родниот Бразил, каде следната недела треба да се приклучи на кампот на „кариоките“ и подготовките за Копа Америка.
Напаѓачот можеби и онака не е во комбинација за утрешниот дуел со Ремс во Лиг 1 и нема што повеќе да бара во Париз оваа сеона, но со тоа што го заобиколил Томас Тухел очигледно сака да покаже кој е газда во ПСЖ во лето во кое сигурно ќе има многу шпекулации за неговата иднина.