„Каталонците“ со месеци се посочуваа како следната дестинација на капитенот на Ајакс, но работите се променија. Како што пишуваат Спорт и Мундо Депортиво, лидерите на Барселона не се толку убедени во пристигнувањето на Матајс де Лихт.

Весниците блиски до Барса велат дека клубот од Камп Ноу и Холанѓанецот во април начелно постигнале договор за платата на фудбалерот.

Но во меѓувреме до Де Лихт стигнале уште неколку интересни понуди, кои се прилично примамливи на економски план. Се говори дека Баерн, Јувентус и Манчестер јунајтед се подготвени на дефанзивецот да му дадат поголема плата од онаа која ја договорил со Барселона.

Особено боли глава од предлогот на „ѓаволите“ кои на 19 годишниот Де Лихт му нудат 14 милиони евра по сезона. Па Мино Рајола побарал од Барса да достави нова побогата понуда и да го изедначи она што Манчестер јунајтед го нуди. 

Шампионот на Шпанија нема намера да го стори тоа, еден ваков потег ќе ја наруши структурата на плати и ќе предизвика револот кај останатите кога тие ќе слушнат колкава плата има тинејџерот. Исто така, буџетот е прилично ограничен поради големите примања на ѕвездите.

Барса сепак не се откажува и се надева дека Де Лихт ќе се вразуми и ќе одбере добар спортски проект наместо добри финансии. Но со оглед на тоа дека Мино Рајола го интересираат само парите, „каталонците“ ризикуваат да останат без талентираниот дефанзивец.