За разлика од Челси кој заврши како трет во Премиерлигата и веќе имаше обезбедено место во Лигата на шампионите за следната сезона, Арсенал бркаше триумф во Лига Европа за да се најде во елитното натпреварување, но не успеа.

Победата на Челси индиректно влијаеше врз три клуба, бенефит имаа Лион, Башакшехир и ЛАСК Линц.

Лион кој заврши како трет во Франција и требаше да игра во третото квалификациско коло, сега директно ќе игра во групната фаза од Лигата на шампионите.

Башакшехир од Истанбул кој беше втор во Турција и ЛАСК Линц кој беше втор во Австрија, прескокнуваат една квалификациска рунда, и наместо од второто квалификациско коло, ќе почнат од третото.

Победата на Челси од вториот шешир во кој требаше да биде при ждрепката од Лигата на шампионите, го префрла лондонскиот тим во првиот шешир како победник во Лига Европа.