Лео Меси откри дека неговиот тригодишен син обожава да провоцира, кога дома играат фудбал, малиот Матео вели дека тој е Ливерпул или Валенсија, а се радува и на голови на Реал Мадрид.
Категорија: Шпанија 05.06.2019 23:32
Средниот син на Лео Меси е голем палавко. Фудбалерот на Барселона во разговор со ТиК Спортс открива како малиот Матео е вистински трол и обожава да го иритира својот постар брат Тиаго, а и самиот Лео.
„Тиаго не пропушта меч на Барселона, но кога неговиот помал брат почна да го интересира фудбалот настанаа проблеми дома. Матео постојано наоѓа начин да направи расправија“ – вели напаѓачот.
„Си игравме фудбал дома и тој ми вели, „Ти си Барса, јас ќе бидам Ливерпул, зошто ве победија!“. После истото го направи и со Валенсија. „Валенсија ве победи, а? Јас сум фан на Валенсија“. Кога гледаат фудбал со Тиаго на ТВ, слави и се радува кога Реал Мадрид ќе постигне гол само за да го вознемири брат му. Се однесува како да е фан на Реал!“
#MessiEnEF: "Mateo grita los goles del Real Madrid para hacerlo calentar a Thiago" pic.twitter.com/HdA9iB9l6K
— TyC Sports (@TyCSports) June 5, 2019