Категорија: Македонија 06.06.2019 14:50
Утре Македонија ја пречекува Полска во третото коло од квалификациите за ЕВРО 2020. Во редовите на противникот има голем број на квалитетни имиња, а секако, најзвучно е името на Роберт Левандовски.
Па Игор Ангеловски беше запрашан дали има лек за голгетерот на Баерн Минхен, а селекторот на Македонија даде интересен одговор.
„Колку што јас знам, Левановски не е болен. Исто така, јас не сум доктор и не препишувам лекови. Играме против репрезентацијата на Полска а не против еден играч“ – вели предводникот на „црвено-жолтите“. „Со тимска игра се справуваме со секој противник, па така ќе биде и утревечер“.
„Тоа што сме домаќини на силна репрезентација како Полска ни два дополнителна мотивација. Оние кои ме познаваат, знаат каква е мојата филозовија па и сега ќе играме агресивно и офанзивно. Одиме да се избориме за позитивен резултат. Убеден сум дека моите играчи ќе го остават срцето на терен“.
„Овие фудбалери покажаа дека се спремни да гинат за Македонија, а тоа најдобро го покажаа повредените, кои направија сè што можат за да се вратат и да играат на овие натпревари. Тоа покажува какви личности имаме во тимот, и тоа може само да ме радува“.