Категорија: Останато 08.06.2019 14:11
ЦР7 оваа недела одново беше во центарот на вниманието откако во својот прв настап во новото натпреварување Лигата на нации, постигна три гола и ја однесе Португалија во финале.
Во пресрет на дуелот со Холандија, Кристијано Роналдо седна пред камерите на УЕФА и откри која е тајната за неговата младост.
„Важна е подготовката, мојата работна етика. Се чувствувам добро и покрај тоа што имам 34 години. Но најважна е психичката состојба, да бидете мотивирани и среќни. Продолжувам да чекорам по патеката која ја имам зацртано, мислам дека имам уште многу да понудам и се чувствувам многу добро“ – вели Португалецот.
„Секогаш е чест кога ќе се вратам во националниот тим, тоа што сум дел од ова ново натпреварување ја прави ситуацијата поспецијална, а погодоците се само црешната на врвот на тортата“.
„Холандија има одличен тим, играат навистина добро. Ги гледав нивните последни натпревари и имаат одлична комбинација на млади и искусни играчи, и затоа се многу силни. Знаеме дека ќе бидат тежок противник“.