Косово ќе гради супер модерен стадион кој треба да биде најубав на Балканот.

Проектот денеска беше презентиран пред јавноста, а претседателот на Фудбалската федерација на Косово, Агим Адеми вели дека потребата од нов стадион за репрезентацијата е повеќе од реална, бидејќи нивниот најголем стадион во моментов има 12.000 седишта, а барањата за билети се многу поголеми.

Новиот стадион е дело на турскиот архитект Мурат Табландоглу и ќе има капацитет од 30.000 гледачи.

Планот е со изградба да се стартува оваа година, во склоп на стадионот ќе има и хотели, ресторани, базени...