Во Италија пишуваат дека новиот шеф на стручниот штаб на Интер, Антонио Конте е во исчекување на исходот од случајот со Мауро Икарди, односно, чека на негова продажба за да ги комплетира трите посакувани засилувања во тимот.

„Кориере дело Спорт“ наведува дека Конте и Интер се подготвени да понудат 35 милиони евра за фудбалерот од средниот ред на Каљари, Николо Бареља, 15 милиони евра за напаѓачот на Рома, Един Џеко, како и 70 милиони евра за напаѓачот на Манчестер јунајтед, Ромелу Лукаку.

Како и да е, Нероаѕурите само чекаат на вистинскиот момент за да ги реализираат своите цели, пред се’, тука се мисли најпрво на продажбата на Икарди која е мошне извесно дека ќе се случи ова лето.

Се верува дека од Интер јасно му посочиле на Икарди дека тој повеќе не е во плановите на клубот за идната сезона, а Аргентинецот пак, наводно планира да преземе радикални чекори со своите адвокати каде преку правни процедури би го напуштил Милано без никакво обештетување, а доколку дојде до такво нешто, сигурно би се промениле плановите на Конте околу засилувањата, и тоа драстично.