Категорија: Шпанија 20.06.2019 13:45
„Колчонероси“ попладнево соопштија дека го ангажираше Маркос Љоренте. 24 годишниот Шпанец пристигнува од локалниот ривал Реал Мадрид. Детели не беа откриени, но медиумите пренесуваат дека трансферот е вреден 40 милиони евра.
Фудбалерот не е во плановите на Зинедин Зидан, но затоа пак се вклопува во замислите на Диего Симеоне и ќе треба да го пополни местото на Родри, кој наскоро ќе се пресели во Манчстер Сити за 70 милиони евра.
Маркос Љоренте е голем борец од средниот ред, кога во сезоната 2016/17 беше на позајмица во Алавес, беше играчот со најмногу освоени топки во првенството на Шпанија, дури 303. Има одлични физички предиспозиции а знае и да игра со топка, па се очекува перфектно да се адаптира во стилот на Чоло и Атлетико.
Тој ќе стави потпис на петгодишен договор и ќе биде првиот играч кој по 13 години директно од Бернабеу завршува во Атлетико. Последен кој го заменил Реал со лутиот градски ривал е Хосе Мануел Хурадо во 2006.