Категорија: Англија 25.06.2019 18:30
Оле Гунар Солскјер го идентификуваше 21 годишниот Англичанец како идеално засилување за десната бековска позиција, но Кристал Палас не се откажува лесно од Арон Ван Бисака и за неговите услуги бара помеѓу 50 и 60 милиони фунти.
„Орлите“ веќе одбија две понуди на „ѓаволите“, а последниот предлог бил отфрлен поради една нереална клаузула.
Како што пренесуваат медиумите од Англија, Манчестер јунајтед понудил 35 милиони фунти, плус 15 милиони фунти во најразлични бонуси поврзани со личните и колективни успеси. Една од додатните исплати била поврзана со триумф во Лигата на шампионите.
Клубот од Селхрст Парк сепак смета дека „ѓаволите“ не се кадарни да ја покорат Европа, а со тоа тие нема да стигнат до бараната сума, па го одбиле предлогот.
Сепак, преговорите помеѓу двата клуба продолжуваат, се верува дека ќе биде пронајден заеднички јазик до крајот на неделата и Арон Ван Бисака ќе стане второ засилување за Оле Гунар Солскјер.