На Арсенал му е понудена шанса да дојде прв до потписот на Мариано Диаз, понуда која од финансиски аспект речиси целосно ги исполнува условите кои во моментов ги има Премиерлигашот кој на Островот се шпекулира дека има буџет од 45 милиони фунти.

Со крило, бек, како и централен дефанзивец на нивната листа на желби, опцијата за нов напаѓач Топчиите би ја разгледале само доколку станува збор за максимално минимални вложувања во истиот, со оглед на нивниот скромен буџет за засилувања ова лето.

„Мирор“ известува дека на Арсенал веќе му е презентирана можноста да потпише со Диаз и тоа за само 18 милиони фунти, а со Лаказет и Обамејанг кои се незаменливи во нападот на Премиерлигашот, веројатно дека во Лондон нема да имаат потреба за нов напаѓач во тимот.

Сепак, според известувањата на „Дејли Мејл“, се вели дека по заминувањето на Велбек, нема да зачуди доколку Арсенал се одлучи да ја прифати понудата од Реал Мадрид, како алтернативна опција за Лаказет и Обамејанг во нападот на тимот.

Диаз има уште четири години од својот договор со Кралевите, кои пак мораат да продадат тоа што не им е потребно во составот за доведување на нови ѕвезди по Азар, се вели дека нивната следна желба е Погба од Манчестер јунајтед.