Како што и се очекува, контроверзниот фудбалски агент Мино Рајола ќе заработи голема сума за зделката која ја направи околу трансферот на Матијс Де Лихт од Ајакс во Јувентус ова лето.

Се шпекулира дека Ајакс и Јувентус веќе си подале рака за трансферот на 19 годишниот дефанзивец кој ќе изнесува 70 милиони евра, меѓутоа, Старата дама ќе треба да му исплати и одредена сума на Рајола.

Според информациите кои ги објави „Кориере Дело Спорт“, се вели дека италијанскиот агент ќе добие 10 милиони евра за таа зделка, а ова за него ќе биде уште еден од многуте богати трансфери кои ги реализираше под негова капа.