24фудбал

Ново правило во Премиерлигата, меѓусебните пресметки ќе имаат приоритетно значење во рангирањето

Во англискиот фудбалски шампионат од новата 2019/20 сезона ќе стартува новото правило кое и официјално беше потврдено од челниците на Премиерлигата, со тоа завршува една долгогодишна традиција по системот на рангирањето.

Англија

Екипите кои ќе имаат ист број на бодови во идната сезона од Премиерлигата, ќе бидат одвоени во однос на меѓусебните пресметки таа сезона, тоа е приоритетното решение кое се донесе на сметка на гол разликата, како што беше досега.

Во претходните сезони, екипите кои беа дел од такви специфични ситуации и завршуваа со ист број бодови, гол разлика и број на постигнати погодоци, требаше да играат „мајсторка“, но, од идната сезона до таков натпревар тешко би дошло со новото правило.

Во сезоната 2019/20, екипите кои ќе соберат најмногу бодови во меѓусебните дуели ќе има финално значење во однос на поставеноста на табелата, а како алтернативни опции се гол разликата и бројот на постигнатите погодоци, доколку и во тој случај клубовите не можат да бидат одвоени, ќе се користи правилото за повеќе голови на гости во меѓусебните пресметки.

Само доколку сите нивоа се идентични помеѓу одредени клубови, што е речиси невозможно, во тој случај би се закажала „мајсторка“ на неутрален терен и термин утврден од Премиерлигата.