Категорија: Англија 16.07.2019 06:51
За сума од 9 милиони фунти, Евертон го купи Фабијан Делф од Манчестер Сити кој стави потпис на тригодишен договор со клубот од Гудисон Парк.
Делф веќе е во тренинг кампот на Евертон во Швајцарија каде тимот се подготвува за новата сезона.
„Секогаш кога играв против Евертон, прво што ми паѓаше на ум кога ги гледав фановите е пасијата која ја имаат. Навивачите на Евертон знаат фудбал, го разбираат, изгледа како да им е во крвта, навистина му даваат голема поддршка на тимот“, вели Делф.
„Среќен сум што сум тука и ќе дадам апсолутно се, ништо помалку од 100 проценти. Се надеваме дека заедно со фановите ќе направиме нешто посебно“.
„Сакав да играм регуларно и шансата која дојде да играм за Евертон беше премногу добра за да ја одбијам“.