Категорија: Италија 18.07.2019 17:29
Пристигнувањето на Матијс де Лихт во Јувентус би можело да го притисне Леонардо Бонучи да си замине од редовите на италијанскиот првак ова лето, ова го тврди „Мундо Депортиво“, а истиот медиум додаде и за причината за таквиот можен исход.
Јувентус има дури пет централни дефанзивци со Де Лихт, покрај Холанѓанецот тука се уште и Кјелини, Бонучи, Ругани, како и Демирал, па останува отворено прашањето дали ќе има одредена „чистка“.
„Мундо Депортиво“ тврди дека сево ова би го притиснало Бонучи да си замине од Торино уште ова лето, а за неговите услуги интерес пријавуваат Манчестер Сити и ПСЖ, обата клуба се загреани за неговиот потпис од поодамна.