Црвена звезда го задржа сонот за уште еден настап во групната фаза од најелитното европско натпреварување. Шампионот на Србија вечерва го елиминираше Копенхаген.

Мечот во регуларниот дел заврши 1-1, исто како што гласеше резултатот во Белград минатата недела, па се играа продолженија. Мрежите мируваа и во додатните 30 минути и патникот во плеј-офот беше решен на пенали.

Пенал серијата беше трагикомична, откако страната која ја одбраа за шутирање, тревата околку и на белета точка беше прилично оштетена и раскопана, за по десетина шутеви веќе и да не се познава каде е белата точка. Ова им направи многу проблеми на играчите, имаше доста промашувања од кои некои беа прилично смешни.

Се шутираше 22 пати, биеа дури и голманите а Панков и Винд ја имаа честа да се обидат и по втор пат. Токму во вторио обид, Винд не реализираше и испадна трагичар на натпреварот.