Делегација на „каталонците“ составена од директорот Бордас, техничкиот секретар Абидал и човекот од доверба Андре Кури, отпатува за Париз и се сретна со спортскиот директор на ПСЖ, Леонардо.

Ова беше прв пат преставници на Барселона и ПСЖ лице во лице да преговараат за трансфер на Нејмар. Медиумите шпекулираат дека двете страни ги кажале своите ставови и очигледно разликите се уште се големи.

Се говори дека ПСЖ побарал да ги добие Филипе Кутињо, Нелсон Семедо и плус 100-120 милиони евра за да го испрати Нејмар на Камп Ноу.

„Каталонците“ порачале дека нема шанси да се разделат со десниот бек, и покрај Филипе Кутињо го понудиле Иван Ракитиќ во пакетот. Хрватот наводно е играч по мерак на Леонардо, па „светците“ можат да направат компромис.

Има разлика и во сумата која треба да биде доплатена, некои извори велат дека Барса е подготвена да одвои помеѓу 60 и 80 милиони евра, но да плати дури догодина.

Секако, ќе треба и Филипе Кутињо и Иван Ракитиќ да се договорат со ПСЖ, па има уште многу работи за пеглање помеѓу двете страни.