Категорија: Шпанија 10.09.2019 09:50
Капитенот на Реал Мадрид, Серхио Рамос говорејќи за својот „документарец“, се осврна и на прашањето околу неговиот соиграч од редовите на „Кралевите“, Герет Бејл, кој многумина го гледаат како „вишок“ во тимот на Зинедин Зидан.
Велшанецот за момент се здоби со прекарот „Голферот“, а постојано добива и критики поради тоа што го нема усовршено шпанскиот јазик, што се однесува пак до играњето голф, тој беше критикуван поради тоа што не бил фокусиран на обврските кон Реал Мадрид, но Рамос не се согласува со тие критики.
„Мислам дека Бејл е одличен фудбалер, тој беше во голема мера важен во клубот во годините додека е со нас. Можете да сретнете секаква вест за него низ одредени медиуми, некои се точни, некои не. Ние живееме во овој свет и мораме да се справиме со тоа“ изјави Рамос.
Медиумите го фатија: Бејл си играше голф додека Реал Мадрид губеше во Минхен (ФОТО)
„Во однос на се’ што беше шпекулирано за Бејл, мислам дека времето става се’ на свое место. Без разлика на тоа што прави секој фудбалер во својот личен живот, мислам дека тоа треба да се почитува а дури не треба ниту да се зборува за тоа. Ние сме слободни да правиме што сакаме во нашето слободно време“ додаде Рамос.