Категорија: Македонија 10.09.2019 18:07
Македонската фудбалска селекција до 21 година остварија рекордна победа во едни квалификации за оваа генерација победувајќи ги Фарските Острови со 7-1.
Главен во победата беше Димитар Митровски кој постигна хет-трик, имаше и асистенција.
Фарските Острови го отворија резултатот со гол од пенал на Андреасен во 19. минута а после следуваше потоп за нив.
По асистенција на Чурлинов во 26. минута Митровски изедначи на 1-1, а шест минути подоцна самиот Чурлинов даде гол за пресврт и водство на Македонија.
Во судиското прдолжение од првиот дел Митровски го постигна својот втор гол за водство на Македонија од 3-1, веќе беше јасно кој ќе биде победникот.
По 15. минути игра во вториот дел Даци зголеми на 4-1, а брзо потоа Личина се запиша во листата на стрелците за 5-1.
Во финишот од мечот нововлезениот Трпановски направи две асистенции, прво до Митровски за негов хет-трик, а потоа до Чурлинов за конечни 7-1 и рекорден триумф.
Ова беше прв меч во квалификациите за Македонија, покрај нас и Фарските Острови во групата се уште и Шпанија, Израел, Црна Гора и Казакстан.
На Европското првенство се пласираат сите први селекции од девете групи и шест најдобро второпласирани.