Потенцијалното враќање на Нејмар на „Камп Ноу“ беше вест која доминираше низ европските и светски медиуми, меѓутоа тоа на крајот од летниот преоден рок не се реализираше, а капитенот на Барселона, Лионел Меси не крие дека силно посакувал да се врати Бразилецот.

„Би било одлично Нејмар да се врати во клубот, јас би бил пресреќен во една таква ситуација“ изјави Меси за „Спорт“.

„Да бидам искрен, не знам дали Барселона направи се’ што е можно за да го реализира неговото враќање, како и да е, сигурно дека преговорите со ПСЖ не се лесни“ додава Аргентинецот.

„На спортско ниво, Нејмар е еден од најдобрите во светот, јас никогаш не побарав клубот да го врати Нејмар, се’ што сторив беше давање мислење на таа тема, не сум разочаран, имаме фантастичен состав кој може да биде конкурент за се’ што е можно, дури и без Нејмар“ заклучи првата ѕвезда на Барса.