Искусниот италијански фудбалски стратег не се штедеше во критиките до градските власти, а сега од Наполи се одзваа и со видео снимки за јавноста да увиди на дело каква е состојбата во соблекувалните на стадионот.
Категорија: Италија 12.09.2019 11:41
По соопштението во јавноста кое беше објавено во текот на вчерашниот ден, во кое шефот на стручниот штаб на Наполи, Карло Анчелоти видно револтирано реагираше на состојбата во која се наоѓаат соблекувалните на „Сан Паоло“, клубот сега излезе и со видео за целокупната слика.
Снимката потврди дека соблекувалните кои се во фаза на реконструкција се далеку од готови, а сево ова доаѓа во пресрет на саботната пресметка со Сампдорија во Серија А, како и дуелот против Ливерпул идниот вторник во Лигата на шампионите, и двата меча на домашен терен.
Queste le condizioni degli spogliatoi del Napoli dello stadio San Paolo, a 70 ore da #NapoliSampdoria, che hanno scatenato la reazione di @MrAncelotti contro Regione, Comune e Commissari. pic.twitter.com/YAROtscwIh
— Official SSC Napoli (@sscnapoli) September 12, 2019