Категорија: Лига на Шампиони 19.09.2019 00:10
ПСЖ ја доби дерби пресметката од Групата А и пред своите фанови го надигра Реал Мадрид со 3-0. Одбраната не беше на нивото, ниту пак нападот, „кралевите“ мечот го завршија без да упатат шут во рамките од голот.
„Го немавме потребниот интензитет. На ова ниво, во вакво натпреварување без прав интензитет, работите стануваат компликувани. ПСЖ беше супериорен во секој поглед, не надигра и заслужено но мене ме лути тоа што го немавме потребниот интензитет“ - вели Зинедин Зидан.
„Дадовме два погодока кои за жал ВАР ги поништи, но точно е дека креиравме премалку шанси. Да не се креираат 100% прилики со играчите кои ги имавме на терен е малку чудно.
Запрашан дали Тибо Куртоа е еден од виновниците за поразот, Зизу одби да го впери прстот во голманот: „Сите сме во ист брод, кога победуваме, сите победуваме, кога губиме, сите сме виновни за поразот. Тешко е да се прифати овој пораз, но во недела не чека нов меч (против Севиља) и мораме да се фокусираме на тој натпревар“.