„Баварците“ синоќа со 3-0 ја совладаа Црвена ѕвезда пред своите фанови благодарејќи на два доцни погодока. Откако Коман го отвори резултатот во 34. минута, Левандовски искористи една грешка на одбраната на гостите за 2-0 во 80. минута а точка на натпреварот стави Милер во првата минута од судиското надополнување.

Творец на последниот гол е Тиаго Алкантара, кој изведе една воиграна акција од тренинзите. Баерн Минхен доби слободен удар во опасната зона и додека сите очекуваа удар кон голот, Шпанецот лукаво ја префрли топката преку живиот ѕид за Милер и ги збуни играчите на Црвена звезда кои не очекуваа ваква магија од поранешниот играч на Барса.