Категорија: Англија 19.09.2019 17:53
Се чини дека Сенегалецот од редовите на европскиот првак Ливерпул, Садио Мане би можел да остане подолго на „Енфилд“, се најавува нов договор за офанзивецот кој би можел да остане до 2025. година во тимот на Ливерпул.
Според информациите кои ги објави новинарот на „Газета дело Спорт“, Николо Шира, се вели дека Мане е во преговори со Ливерпул околу новиот договор кој би имал важност до 2024/25. година, а наводно Сенегалецот би имал годишна плата од околу 13 милиони евра, неделно би заработувал околу 250.000 евра.
Мане е еден од клучните фудбалери на тимот на Јирген Клоп, тој во редовите на Ливерпул пристигна по трансферот од Саутемптон во 2016. година, трансфер вреден 34 милиони фунти, две сезони беше дел од тимот на годината во Премиерлигата, а ја освои и наградата „Играч на сезоната“ во 2017. година.
Во текот на својот тригодишен престој на „Енфилд, Сенегалецот погоди 65 погодоци во 130 настапи за клубот.