Категорија: Италија 21.09.2019 14:57
Потпретседателот на Интер, како и легенда на тој клуб, Хавиер Занети ја објасни одлуката на „Нероаѕурите“ да го ангажираат Антонио Конте, а Аргентинецот убедува дека станува збор за амбициозен проект.
„Ова е амбициозен проект, го доведовме Конте поради неговото големо искуство, како и принципот на макотрпна работа кој го негува“ рече Занети, а потоа се надоврза и на големото дерби на Милано кое се игра вечерва.
„Дербито секогаш е нешто посебно, тоа е посебен меч, тимот е во одлична форма, но знаеме дека сите дерби пресметки се тешки, но истовремено и од големо значење“ додаде Занети во пресрет на дербито со Милан.
Како што пренесуваат од Италија, на вечерашното дерби во Милано ќе има големи имиња на гледалиштето, вклучувајќи го и претседателот на ФИФА, Џани Инфантино, легендарниот Христо Стоичков, легендарниот тенисер Борис Бекер, како и поранешниот напаѓач на Интер и Милан, Роналдо.
Што се однесува пак до Интер, Антонио Конте тргна доста добро, па така по три одиграни кола Интер е на врвот на табелата во Серија А со максимални три победи досега, меѓутоа „Нероаѕурите“ тргнаа со кикс против Славија Прага во првото коло од Лигата на шампионите, играјќи само реми со резултат од 1-1 на свој терен.