Категорија: Италија 21.09.2019 16:10
Вицепрвакот на Италија, тимот на Наполи утре пред своја публика го пречекува Лече, а шефот на стручниот штаб на Наполи, Карло Анчелоти има добра причина која би го натерала на тој меч да стартува со нашиот Елиф Елмас.
Алан, кој е главната конкуренција на младиот Македонец е повреден а воедно и вон комбинација за пресметката со Лече, истото важи и за Манолас и Јунес, па веројатно е дека Елмас ќе почне од првата минута.
Елмас досега забележа настап во сите три кола во Серија А, токму со Алан беа заменувани, а откако Бразилецот и дефинитивно отпадна од комбинација, сосема очекувано е Елмас да стартува по втор пат во Серија А, откако тоа најпрво се случи во победата над Сампдорија од 2-0 на домашен терен кога нашиот репрезентативец играше се’ до 76. минута кога беше заменет со Инсиње.