Интер одигра фантастично прво полувреме на Камп Ноу кое не беше доволно за победа над Барселона, Каталонците во вториот дел како да излегоа со друг тим, ја почнаа својата доминација, а благодарение на брилијантноста на Луис Суарез дојдоа до триумф.

Шок на уште на самиот старт, во третата минута од натпреварот Лаутаро Мартинез постигна гол за водство на Интер од 1-0.

Интер не само што ја чуваше предноста, туку беа и поопасни од Барселона, создадоа повеќе шанси во првиот дел, но второто полувреме беше поинакво.

Барселона тргна со пресинг и во 58. минута Суарез со прекрасен волеј го изедначи резултатот на 1-1.

Во 84. Меси убаво асистираше до Суарез кој мајсторски ја прими топката и постигна гол за комплетен пресврт и победа од 2-1.

Интересно беше на Енфилд каде Ливерпул имаше водство од 3-0 со голови на Мане, Робертсон и Салах, но Салцбург успеа да дојде до 3-3. На крајот Салах постигна гол за победа од 4-3.

Челси со 2-1 победи на гостувањето кај Лил, Абрахам и Вилијан ги дадоа головите за сините.

Ајакс со 3-0 ја победи Валенсија на Местаља, Зенит со 3-1 слаевеше над Бенфика, Лион со 2-0 победи кај Лајпциг.