Баварците се покажаа во импресивно издание во Лондон, одиграа моќно против вицешампионот на Европа и му дадоа седум гола на негов терен.

Но денеска остварија изненадувачки лош резултат, пораз од Хофенхајм на свој терен.

Адамајн во 54. минута го отвори резултатот за водство на Хофенхајм, Левандовски изедначи во 73. минута, но само шест минути подоцна Адамјан со својот втор гол донесе победа за гостите.

И Борусија Дортмунд не победи, одигра 2-2 на гостувањето кај Фрајбург. Витсел и Хакими ги дадоа головите за Милионерите. Испуштија победа во 90. минута кога нивниот Акањи ја затресе сопствената мрежа.