Категорија: Македонија 15.10.2019 16:39
По победите над Фарските Острови и Црна Гора, избраниците на Благоја Милевски целеа на трета победа, Казахстан требаше да падне во Скопје, Македонија беше фаворит но работите не се одвиваа како што посакувавме.
Натпреварот почна добро за нас, нападнавме уште од самиот почеток, офанзивната игра вроди со плод во 20. минута кога Милан Ристовски постигна гол за водство на Македонија од 1-0.
Нашата селекција пропушти уште неколку убави шанси за да има поголемо водство во првото полувреме, а во вториот дел следуваше несфатлив пад.
Македонија речиси не играше ништо во вторите 45 минути, Казахстан почнуваше да станува се поопасен и на 15 минута преку Омиртаев изедначи на 1-1.
Во финишот Македонија се обиде да дојде до ново водство но не успеа, натпреварот заврши нерешено, наместо три, освоивме само еден бод.