Категорија: Шпанија 16.10.2019 15:59
Медиумите од Шпанија денеска објавија дека Ла Лига доставила предлог пресметката помеѓу Барса и Реал закажана на 26. октомври да се одигра во Мадрид наместо на Камп Ноу.
Раководните луѓе на шпанскиот фудбал стравуваат за безбедноста бидејќи истиот ден е закажан голем протест во Барселона по одлуката на Врховниот суд да им изрече затворски казни на каталонските политичари кои го спроведоа референдумот за независност.
Последните информации велат дека двата клуба биле затекнати од предлогот, но веќе завзеле став. Барса не помислува на „рокада“, а и Реал Мадрид се противи на идејата мечот да се одржи на Бернабеу.
„Кралевите“ сметаат дека дуелот треба да се игра на Камп Ноу, а доколку се стравува за безбедноста, тогаш истиот треба да биде одложен и да се одреди нов датум.