Категорија: Шпанија 16.10.2019 18:52
Лукас Ернандез објасни како Реал Мадрид се обидел да го ангажира во периодот кога тој го носел дресот на градскиот ривал Атлетико Мадрид, а дополнително Французинот објасни зошто ги одбил „Кралевите“.
Францускиот интернационалец во летниот преоден рок се приклучи на Баерн Минхен, а трансферот на 23 годишниот дефанзивец го чинеше германскиот шампион 80 милиони евра.
„Реал Мадрид направи обиди да ме ангажира, вистина е тоа, меѓутоа не станува збор за изминатото лето“ вели Ернандез за „Франс Фудбал“.
„Сепак, не би отишол во тој клуб, не откако ги носев боите на Атлетико Мадрид долг период“ додава Французинот кој помогна во титулата за Атлетико Мадрид во Лига Европа ланската сезона, а стана еден од најзначајните фудбалери во составот предводен од Диего Симеоне.