Категорија: Лига на Шампиони 23.10.2019 11:26
Англискиот првак Манчестер Сити иако тргна со негатива пред своја публика, сепак на крајо успеа да се радува на убедлива победа од 5-1 во дуелот со Аталанта во третото коло од Лигата на шампионите.
Одлична партија имаа „Граѓаните“, особено Стерлинг кој запиша една асистенција и три погодоци во мрежата на италијанскиот прволигаш кој дојде до третиот пораз во своето деби во елитното европско клупско натпреварување.
Сепак, освен што „шоуто“ на мечот го украде расположениот Стерлинг, камерите уловија и нервозна реакција на шефот на стручниот штаб на „Граѓаните“, Пеп Гвардиола кон крајот на првиот дел.
Пеп се реши за Фернандињо и Родри во дефанзивна улога, потмопогнати од Менди и Вокер на бековските позиции, меѓутоа Родри се здоби со повреда во 41. минута и мораше да биде заменет.
Проблемот настана кога Стоунс беше фатен „на спиење“ од својот тренер кој веднаш му се нафрли на клупата и бурно реагираше поради неговата спора реакција откако увиде дека треба да влезе во игра, односно поради фактот што токму тој е замената за таа позиција на која настапи Родри.