Категорија: Останато 30.10.2019 18:04
Ѕвездата на ПСЖ, Нејмар на социјалните мрежи објави видео од својот дом, а на истото јасно се гледа како Габигол е покриен со лист хартија на постерот во неговата соба, станува збор за фотографија од Олимписките игри во Рио во 2016. година, каде Нејмар прославува заедно со Габигол и Габриел Жесус.
Сепак, по тоа видео од страна на Нејмар, Габигол веднаш реагираше, па така веднаш објави и тој видео, но со сестрата на Нејмар, со која поранешниот фудбалер на Интер наводно е во врска неколку месеци.
Се чини дека Нејмар работите ги сфатил многу сериозно околу врската помеѓу Габигол и Рафаела Сантош, меѓутоа не е исклучено да станува збор за шега од страна на фудбалерот на ПСЖ.
Кога сме веќе на оваа тема, вреди да се издвои и дека одредени медиуми пред извесен период пренесоа дека Рафаела е бремена и чека дете, меѓутоа таа вест брзо беше демантирана.