По вчерашниот меч од Лигата на шампионите, играчите на Наполи наместо да се вратат во тренинг центарот каде требаше да бидат во карантин до мечот со Џенова, тие се упатија кон своите домови и за нивната акција добија поддршка од Карло Анчелоти.

Дополнително Анчелоти одби да се појави на прес конгеренцијата после натпреварот која е задолжителна. 

На претседателот Де Лаурентис не му се допадна ова па најави казни.

„Клубот сака да соопшти во врска со однесувањето на фудбалерите вчера, дека ќе продолжи да ги штити своите економски интереси, средства, имиџот и дисциплинските нивоа во клубот. Исто така сакаме јасно да кажеме дека одговорноста за карантинот му беше доделена на тренерот Карло Анчелоти. Наредивме медиумски молк се до донесување на поинаква одлука“, се вели во соопштението на Наполи.

Според италијанските медиуми, по утринскиот тренинг Карло Анчелоти имал едночасовен состанок со претседателот Аурелио Де Лаурентис.

Според спортските адвокати за овој случај фудбалерите можат да бидат казнети до пет проценти од нивната плата.  

Анчелоти претходно јавно кажа дека е против идејата за карантин.