24фудбал

Роналдо порано го напуштил стадионот, не дочекал ни да заврши дербито!

Според „Скај Спорт Италија“, Кристијано Роналдо пред да заврши мечот меѓу Јувентус и Милан си заминал дома.

Италија

Роналдо беше стартер на натпреварот со Милан, но беше изваден во 55. минута кога на негово место Дибала влезе во игра и подоцна го постигна победничкиот гол за Јуве.

Роналдо беше видно револтиран од одлуката, нервозно брзо се упати кон тунелот.

„Скај Спорт Италија“ тврди дека Роналдо предвреме го напуштил и стадионот, попрецизно на три минути пред крајот на мечот.

Роналдо беше заменет и на мечот против Локомотив Москва. 

Сари вели дека Роналдо се бори со стара повреда на коленото поради која го менува начинот на стоењето и трчањето, а тоа става дополнителен притисок врз бутните мускули на Португалецот.