Во 2020, 2021 и 2022, Џеда ќе биде домаќин на Суперкупот на Шпанија. За да ги пречека најдобрите клубови од Ла Лига, Саудиска Арабија плати 120 милиони евра, или околу 40 милиони евра годишно.

За премиерното издание, а можеби и за следните две, љубителите на фудбалот во оваа земја нема да можат да го видат Диего Симеоне крај аут линијата.

Стратегот во 2014 направи голем инцидент против Реал Мадрид, протестираше кај главниот судија, му удри заушка на четвртиот судија, даваше иронично аплауз и на крајот наместо да си отиде во соблекувална, се префрли на трибини. Па доби вкупно осум натпревари суспензија, од кои четири ги одработи во првенствоот на Шпанија, и му останаа уште четири во Суперкупот.

Затоа тој сега нема да може да го води својот тим против Барселона во полуфиналето, ниту пак во евентуалното финале. Тој сигурно ќе го пропушти и Суперкупот на Шпанија во 2021 (доколку Атлетико обезбеди учество), а во зависност од резултатите, постои можност да го прескокне и тоа во 2022.