Категорија: ЕВРО 2020 17.11.2019 17:29
Познат уште еден патник на завршницата од ЕВРО 2020, Португалија денеска обезбеди пласман на континенталниот собир. Актуелниот шампион триумфираше со 0-2 на гостувањето кај Луксембург и ги реши сите дилеми.
На прилично лош терен за игра, Бруно Фернандеш погоди пред крајот на првиот дел, а во последните мигови од мечот, Кристијано Роналдо на гол-линијата ја удри топката за голот број 99 во националниот дрес и ги потврди трите бода.
На вториот меч од оваа група, Србија во два наврати водеше против Украина но на крајот мечот заврши 2-2, На домаќините ниту победа не им значеше ништо со оглед на резултатот во Луксембург, па тие својата шанса за Европското првенство ќе ја бараат преку бараж во Лигата на нации.