Откако му врачи отказ на Нико Ковач, Баерн Минхен е во потрага по нов тренер. Неколку имиња се поврзуваат со германскиот гигант, а како една од опциите се споменува и враќање на Пеп Гвардиола.

Но се чини дека шанси тоа да се случи нема и опцијата Пеп повторно да биде тренер на Баерн Минхен треба да се исклучи.

„Минатата среда зборував со Пеп и се е исто, тој е чувствува добро во Манчестер Сити и во градот Манчестер, а неговиот договор трае до 30 јуни 2021 година“, изјави Хозеп Марија Оробиг, агентот на Гвардиола.

Гвардиола никогаш не поминал повеќе од четири години во еден клуб, но ако го испочитува договорот со Манчестер Сити тоа ќе биде клубот каде што се задржал најмногу.