Категорија: Шпанија 20.11.2019 11:59
„Првото нешто на што тој мисли е Велс, потоа голф, а дури потоа и Реал Мадрид“, напиша екс членот на Реал Мадрид, Предраг Мијатовиќ во колумна за „АС“, а набрзо следеше и изјава на самиот Бејл кој посочи дека повеќе задоволство кај него има во дресот на својот национален состав.
Велс избори место на претстојното Европско првенство идната година, а бурни реакции кај навивачите на Реал Мадрид има поради начинот на кој Герет Бејл го прослави успехот на својата репрезентација.
„Кралскиот клуб“ на некој начин е истролан во оваа прослава, откако сиот состав на Велс вееше знаме на својата држава, а на истото имаше натпис: „Велс, голф, Реал Мадрид“, алудирајќи на честите критики на адреса на Бејл за редослед по приоритет кај фудбалерот.
30 годишниот Бејл нема настап за „Кралевите“ од 5 октомври, а неговото појавување во составот на Велс беше изненадување за многумина, „Чудо во Велс“, напиша шпанскиот весник „Марка“ пренесувајќи ја веста дека Бејл тренира со својот национален тим.