Категорија: Шпанија 21.11.2019 15:33
Заминувањето на Роберт Морено од клупата на Шпанија и понатаму буди голем интерест во јавноста, стратегот синоќа се огласи со соопштение, но ниту тоа не разјасни одредени работи за начинот на кој се случи разделбата.
Луѓето од федерацијата, а и самиот Роберт Морено, во неколку наврати нагласија дека вратата за Луис Енрике секогаш е отворена, па сега кога поранешниот тренер на Рома и Барселона изразил желба да се врати, сосема логично е Роберт Морено да се повлече од кормилото.
Но многумина сметаат дека ова не е целата приказна бидејќи Роберт Морено не останува како дел од тренерскиот персонал, и се поставува прашањето каков конфликт настанал помеѓу двајцата за Луис Енрике да одбере други луѓе за соработници.
Неколку медиуми денеска го нечекаа Роберт Морено на улица и се обидоа да извлечат информација плус на оваа тема, но стретегот ја задржа реториката од соопштението и одби да креира контроверзија.
„Не знам која е причината, треба да го прашате Луис Енрике зошто нема да бидам негов помошник. Мислам дека најдобро за двете страни е ова да остане помеѓу нас. Но доколку другата страна сака да зборува, нека зборува. Јас немам што да кажам бидејќи мислам дека тоа нема да донесе добро за никого“ – вели Роберт Морено.
Запрашан за тонот на соопштението во кое немаше прекор за болната одлука и имаше само благодарност, тој вели: „Јас сум таков човек. Жал ми е што не можам да објаснам ништо друго. Искрено мислам дека соопштението кажува се. Не чувствувам дека бев предаден“.
„Веќе почнаа да ми се јавуваат клубови. Убаво а да се види дека луѓето ја ценат вашата работа. Но во моментов сакам да се релаксирам ден-два со семејството и потоа ќе мислам што понатаму“.