Франс Фудбал на 2. декември треба да го прогласи најдобриот фудбалер во годината, но од Шпанија пристигнува информација дека веќе е познат победникот, „Златната топка“ ќе заврши во рацете на Лео Меси.
Категорија: Шпанија 26.11.2019 18:52
„Златната топка“ е најпрестижната индивидуална награда во светот на фудбалот, Франс фудбал ги одбира најдобрите во годината од 1956. Реномираниот магазин на 2. декември на гала вечера ќе го обелодени името на победникот.
И покрај тоа што се номинираат 30 имиња, секогаш прилично е јасно кои двајца или тројца играчи се главни фаворити. За жал секоја година се наоѓа некој паметен кој ќе ја убие и онаа мала неизвесност што останала.
Од Шпанија денеска пристигна информација дека Лео Меси ќе ја добие „Златната топка“. Новинарот Франсеск Агилар на Твитер објави дека Аргентинецот по шести пат ќе биде прогласен за најдобар.
CONFIRMADO: Lionel Messi alzará el lunes próximo su sexto Balón de oro. Ayer lunes, se lo oficializaron Pascal Ferré y Thierry Marchand, enviados especiales y pesos fuertes de France Football que se desplazaron a Barcelona a pesar de los desmentidos de unos y otros.
— Francesc Aguilar (@FApor_elmundo) November 26, 2019
Тој вели дека главниот уредник на Франс Фудбал заедно со уште еден свој соработник го посетиле домот на Лео Меси за да го известат за исходот на гласањето. Напаѓачот на Барса дал и интервју, а била направена и фотосесијата за насловната страна на магазинот за изданието кое ќе биде пуштено во продажба на 3. декември.
Од таборот на Лео Меси не ја потврдуваат оваа вест, но ниту пак ја негираат. Во потесниот избор покрај Аргентинецот се и Вирџил ван Дајк и Кристијано Роналдо.