Категорија: Англија 11.12.2019 16:03
Пол Погба минатото лето силно се поврзуваше со Реал Мадрид, интерес пројави и Јувентус, но Французинот остана на Олд Трафорд. Се верува дека играчот и понатаму има желба да замине, и според пишувањата на Дејл Мејл, Манчестер јунајтед ќе даде зелено светло за трансфер.
Весникот вели дека „ѓаволите“ и понатаму ќе инсистираат дека Пол Погба не е на продажба за да извлечат што е можно повеќе пари, но веќе кројат планови за иднина без репрезентативецот на „триколорите“.
Клубот од Олд Трафорд во следните два преодни рока треба да ангажира двајца фудбалери од средниот ред со што ќе се подготви терен за заминување на Пол Погба. Се шпекулира дека топ трансфер цели се Саул Нигез од Атлетико Мадрид и Дони ван де Бек од Ајакс.
Ангажман на нов напаѓач исто така е помеѓу приоритетите и на врвот на листата со желби е Ерлинг Халанд од РБ Салцбург.