Категорија: Германија 11.12.2019 20:51
Борусија Дортмунт влезе во конкуренција за потписот на аргентинскиот фудбалски стратег Маурицио Покетино кој се здоби со отказ на клупата на европскиот вицепрвак Тотнем пред извесен период.
Покетино во моментов е без ангажман, а медиумите пишуваат околу тоа каде би можел да продолжи со својата тренерска кариера, многу клубови се наведуваат, а сега еден од нив е Борусија Дортмунд, објави „Телеграф“.
„Телеграф“ известува дека во Борусија Дортмунд сериозно размислуваат како по Лусијен Фавре кој се соочува со голем притисок, а токму во Покетино гледаат негов идеален наследник.
Борусија Дортмунд успеа да избори место во нокаут фазата од Лигата на шампионите, а во моментов е на третото место во „Бундеслигата“, меѓутоа и натаму неизвесна е иднината на Фавре.
Освен „Милионерите“, на Островот пишуваат дека Арсенал и Евертон исто така пријавиле интерес за услугите на Покетино, а од поодамна се споменува и Манчестер јунајтед.